KXDR-də bir gündə 800 min nəfər orduya yazılmaq üçün müraciət edib
Bakı, 18 mart, AZƏRTAC
Şimali Koreyada bir sutka ərzində 800 min gənc “Amerika imperializminin və onların əlaltılarının kökünü kəsmək” və yarımadanı birləşdirmək üçün orduya daxil olmaq niyyətini bildirib.
AZƏRTAC “Rodong Sinmun” qəzetinə istinadla xəbər verir ki, KXDR-in bütün regionlarında orduya yazılmaq üçün müraciət edənlərin sayı durmadan artır. Ölkənin çağırış sisteminə əsasən, bütün kişilər ən azı 10 il, qadınlar isə üç il silahlı qüvvələrdə xidmət etməlidir.
Nəşrin yazdığına görə, gənclərin orduya hamılıqla can atması Koreya yarımadasının birləşməsinə nail olmaq və KXDR-i məhv etməyə can atan müharibə fanatiklərinin kökünü kəsmək əzminin təzahürüdür.
Bölmənin digər xəbərləri
