La Liqa: “Barselona” liderliyini möhkəmləndirib
Bakı, 4 mart, AZƏRTAC
Futbol üzrə İspaniya çempionatının 27-ci turu çərçivəsində növbəti oyun Kataloniyada keçirilib.
AZƏRTAC xəbər verir ki, turun mərkəzi matçında “Barselona” öz meydanında Madridin “Atletiko” klubunu sınağa çəkib. Qarşılıqlı hücumlar şəraitində keçən oyunun 26-cı dəqiqəsində Lionel Messi cərimə zərbəsindən baxımlı qola imza atıb. Bundan sonra qarşılaşmada qol olmayıb - 1:0.
Bu qələbədən sonra kataloniyalılar xallarının sayını 69-a çatdırıblar. İkinci pillədəki “Atletiko”nun isə 61 xalı var.
Tura “Valensiya” - “Real Betis” oyunu ilə yekun vurulacaq.
Bölmənin digər xəbərləri
