Laosda ASEAN ölkələri XİN başçılarının 57-ci iclası keçiriləcək
Bakı, 30 may, AZƏRTAC
Laos iyulun 21-dən 27-dək Cənub-Şərqi Asiya Ölkələri Assosiasiyasının (ASEAN) xarici işlər nazirlərinin 57-ci iclasına ev sahibliyi etmək üçün hazırlıq işlərinə başlayıb.
AZƏRTAC xəbər verir ki, bu barədə Laos Xəbər Agentliyi məlumat yayıb.
Toplantıya hazırlıqla bağlı Laos Baş nazirinin müavini və xarici işlər naziri Saleumxay Kommasithin sədrliyi ilə iclaslar keçirilib. Otuzdan çox ölkənin nazirlərinin iştirakı planlaşdırılan iclas ildə azı dörd dəfə toplanır. Təcili məsələlər olarsa, ASEAN tərəfindən xüsusi iclaslar da keçirilə bilər.
Bu tipli toplantılarda müntəzəm olaraq Assosiasiyanın icma quruculuğu səyləri, onun gələcək strateji istiqamətləri, həmçinin xarici əlaqələri müzakirə edilir.
Bölmənin digər xəbərləri
