Latviyalı alimlər koronavirusun yayılmasını müşahidə etmək üçün yeni üsul tapıblar
Riqa, 21 may, AZƏRTAC
Latviyalı alimləri ətraf mühitdə koronavirus (COVID-19) pandemiyasının yayılmasını müşahidə etmək üçün yeni üsul üzərində çalışırlar.
AZƏRTAC ölkənin “Delfi” informasiya portalına istiandla xəbər verir ki, bu barədə məlumatı Riqa Texniki Universiteti (RTU) yayıb.
Universitetdən verilən məlumata görə, bu kəşf bütün ekosistem miqyasında profilaktik tədbirlərin həyata keçirilməsinə kömək edəcək.
Alimlər ölkənin bir neçə şəhərinin təmizlənməmiş çirkab sularını yoxladıqdan sonra nümunələrin birində yeni koronavirus aşkar ediblər.
Virusun izləri həmçinin koronavirusa yoluxmuş xəstələrin qeydə alındığı şəhərlərin çirkab sularında da aşkar olunub.
Lakin suyun təmizlənməsindən sonra virusun izləri qalmayıb.
Yeni ixtira, eyni zamanda gələcəkdə “müəyyən bir ərazidə infeksiyanın yayılmasının başa çatdığına bir daha əmin olmaq” üçün imkan yaradacaq. Bu barədə RTU-nun professoru Talis Yuhna söyləyib.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
