LATVİYANIN AZƏRBAYCANDA YENİ TƏYİN OLUNMUŞ SƏFİRİ ETİMADNAMƏLƏRİNİN SURƏTİNİ XARİCİ İŞLƏR NAZİRİNƏ TƏQDİM ETMİŞDİR
Yeni təyinatı münasibətilə səfiri təbrik edən nazir, Azərbaycan Prezidenti İlham Əliyevin bu il oktyabrın 3-də Latviyaya rəsmi səfərini xatırladaraq, bu səfərin ölkələrimizin ikitərəfli münasibətlərinin inkişafında yeni mərhələ açdığını vurğulamışdır.
Səfir ölkələrimizin tarixi əlaqələrindən danışmış, dövlətlərimizin başçılarının qarşılıqlı səfərlərinin bu münasibətlərin daha da dərinləşməsinə əlverişli imkan yaratdığını, bu yaxınlarda hökumətlərarası işçi qrupun fəaliyyətə başlayacağını nəzərə çatdırmışdır. Ölkələrimizin münasibətlərinin dinamik inkişafını vurğulayan səfir, beynəlxalq təşkilatlar çərçivəsində də əməkdaşlığımızın yüksək səviyyədə olduğunu qeyd etmişdir.
Nazir Elmar Məmmədyarov Azərbaycanın NATO və Avropa İttifaqı ilə əməkdaşlığına toxunmuş, Avratlantika strukturlarına inteqrasiyanın dövlətimizin xarici siyasətində prioritet olduğunu bildirmiş, bu təşkilatlar çərçivəsində də əməkdaşlığın ölkələrimiz üçün mühüm əhəmiyyət daşıdığını söyləmişdir.
Görüşdə səfir M.Popkovs etimadnamələrinin surətini nazirə təqdim etmişdir.
Bölmənin digər xəbərləri
