LƏNKƏRANDA “QUŞ QRİPİ: ŞAYİƏLƏR VƏ REALLIQLAR” MÖVZUSUNDA DƏYİRMİ MASA KEÇİRİLMİŞDİR
Şəhər icra hakimiyyətinin, bələdiyyələrin, ərazi icra nümayəndələrinin, qeyri-hökumət təşkilatlarının, Kənd Təsərrüfatı, Səhiyyə, Ekologiya və Təbii Sərvətlər, İqtisadi İnkişaf nazirliklərinin cənub bölgəsi üzrə təmsilçilərinin iştirak etdiyi tədbirdə quş qripi xəstəliyi ilə əlaqədar sensasiya xarakterli şayiələrin reallığı üstələməməsi üçün əhalinin maarifləndirilməsinin əhəmiyyəti vurğulanmışdır. Qeyd edilmişdir ki, Lənkəranda yerli sakinlərin təhlükəli xəstəlik barədə nəzəri biliklərinin olmasına baxmayaraq, ev quşları ətraf mühitdən lazımi səviyyədə təcrid olunmamışdır. İnsanları bu bəladan qorumaq məqsədi ilə həyata keçirilən tədbirlərdə dövlət strukturları ilə yanaşı, qeyri-hökumət təşkilatlatları da yaxından iştirak etməlidirlər.
Dəyirmi masada çıxış edənlər rayonda aparılan profilaktiki tədbirlərdən, bu sahədə qarşıda duran vəzifələrdən danışmış, mövcud problemlərlə bağlı təkliflərini bildirmişlər.
Bölmənin digər xəbərləri
