LƏNKƏRANDA TƏBİİ FƏLAKƏTİN VURDUĞUZİYANIN NƏTİCƏLƏRİ ARADAN QALDIRILIR
Rayon üzrə 2 min 250 fərdi ev, 50-dən artıq təhsil, səhiyyə obyekti və ictimai bina, 1200 hektar əkin sahəsi təbii fəlakətə məruz qalmışdır.
Lənkəran şəhərinin mikrorayon yaşayış massivində və “İnşaatçılar” qəsəbəsində çoxmərtəbəli binaların zirzəmilərinə su dolmuş, sakinlərin gediş-gəlişində çətinliklər yaranmışdır.
Güclü sel suları Aşağı Nüvədi kəndində 2 və Osaküçə kəndində 1 körpünü sıradan çıxarmışdır.
Yaranmış vəziyyətlə əlaqədar Lənkəran Şəhər İcra Hakimiyyətində fəaliyyət göstərən fövqəladə hallar üzrə komissiyanın nəzdində 15 nəfərdən ibarət operativ qərargah yaradılmışdır.
Rayonda bütün qüvvələr təbii fəlakətin nəticələrinin aradan qaldırılmasına səfərbər edilmişdir. Güclü yağışdan daha çox ziyan çəkmiş ailələr münasib yerlərə köçürülmüş, elektrik, telefon dirəkləri və xətləri yenisi ilə əvəz olunmuşdur.
Lənkəranda normal iş rejimi bərpa edilmişdir.
Bölmənin digər xəbərləri
