“Light” neftinin qısamüddətli fyuçers müqavilələrinin qiyməti yenidən uzunmüddətli fyuçers müqavilələrinin qiymətini ötüb
Bakı, 19 iyun, AZƏRTAC
ABŞ-ın “Light” markalı xam neftinin qısamüddətli fyuçers müqavilələrin qiyməti 3 ay sonra uzunmüddətli fyuçers müqavilələrinin qiymətini üstələyib.
AZƏRTAC xəbər verir ki, “backwardation” adlandırılan proses nəticəsində son 3 ayda ilk dəfə “Light”ın qısamüddətli fyuçers müqavilələri uzunmüddətli fyuçers müqavilələrindən baha satılır.
Ekspertlərə görə, bu, yay aylarında ABŞ-da nəqliyyat vasitələrindən istifadəsinin artması nəticəsində tədarükün azalması ilə əlaqədardır.
Hazırda “Light” neftinin bir barreli Nyu-Yorkun NYMEX birjasında 40 dollardan baha satılır.
Bölmənin digər xəbərləri
