Lisenziyalar ləğv edilmişdir
“Vergi hesab-fakturaların tətbiqi Qaydaları”na uyğun olaraq, Azərbaycan Respublikasınin Maliyyə Nazirliyi “Qızıl Şərq” İcarə, “Poliqraf servis” mətbəələrində, “Araz M”, “Ti-Media”, “Şeyda”, “Zirvə-VC” firmalarında müvafiq araşdırmalar aparılmış, nəticədə həmin müəssisələrdə vergi hesab-faktura blanklarının çap edilməsində ciddi pozuntu halları aşkar olunmuşdur.
Respublikanın mövcud qanunvericilik aktı ilə təsdiq edilmiş “Maliyyə hesabatı kimi istifadə olunan biletlərin, qəbzlərin, talonların, putyovkaların və onlara bərabər tutulan digər sənədlərin hazırlanmasına xüsusi razılıq (lisenziya) verilməsi Oaydaları”nın pozulması ilə əlaqədar yuxarıda göstərilən mətbəə və firmalara verilmiş xüsusi razılıq (lisenziyalar) Maliyyə Nazirliyinin müvafiq əmri ilə ləğv edilmişdir.
Nazirlik bu istiqamətdə araşdırmaları davam etdirərək, müvafiq lisenziyalar almış mətbəə və firmaları bir daha xəbərdar edir ki, fəaliyyətlərində belə hallara yol verilərsə, onların barəsində də ciddi qərarlar qəbul olunacaqdır.
Bölmənin digər xəbərləri
