Liverpuldakı avtomobil insidenti nəticəsində 27 nəfər xəstəxanaya yerləşdirilib
London, 27 may, AZƏRTAC
Liverpul şəhər mərkəzində “Liverpul” futbol klubunun Premyer Liqa çempionluğu paradı zamanı baş vermiş avtomobil insidenti ilə bağlı rəsmi qurumlar mətbuat konfransı keçiriblər.
AZƏRTAC BBC-yə istinadla xəbər verir ki, rəsmilər hadisə nəticəsində 27 nəfərin xəstəxanaya yerləşdirildiyini bildiriblər. Qeyd olunub ki, onlardan biri uşaq olmaqla iki nəfərin vəziyyəti ağırdır. 20 nəfərə isə hadisə yerində yardım göstərilib. Hadisə zamanı velosipedlə hərəkətdə olan bir tibb işçisi də xəsarət alıb, lakin vəziyyəti ciddi deyil.
Hadisəni törədən 53 yaşlı britaniyalı şəxs saxlanılıb və insidentin səbəbləri ilə bağlı araşdırma aparılır. Hadisə terror aktı kimi qiymətləndirilmir.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
