Liviyada Yunanıstan humanitar missiyasının üç əməkdaşı həlak olub
Bakı, 18 sentyabr, AZƏRTAC
Liviyada yol-nəqliyyat hadisəsi nəticəsində Yunanıstanın humanitar missiyasının üç əməkdaşı həlak olub, daha iki nəfər itkin düşmüş sayılır.
AZƏRTAC xəbər verir ki, Yunanıstan Milli Müdafiə Baş Qərargahının yaydığı məlumata görə, hərbi həkimləri daşqınlardan zərər çəkən Liviyaya yardım etmək üçün aparan avtobus yolun əks-istiqamətində hərəkət edən avtomobillə toqquşub. Afina Liviya rəsmiləri ilə birlikdə qəzanın səbəbini aydınlaşdırır və Benqazi şəhərindəki şəxsi heyətin toplanaraq Yunanıstana qaytarılması üçün əməliyyat aparılır.
Liviyanın səhiyyə naziri Osman Əbdül Cəlil bildirib ki, yol qəzasında humanitar missiyanın dörd əməkdaşı həlak olub, daha 15 nəfər isə müxtəlif dərəcəli xəsarətlər alıb.
Bölmənin digər xəbərləri
