LİVİYANIN MİLLİ BAYRAMI ŞƏRƏFİNƏ
Salonda Azərbaycanın və Liviyanın dövlət başçılarının portretləri asılmışdı.
Azərbaycanın və Liviyanın dövlət himnləri səsləndirildi.
Tədbirdə iştirak edən Azərbaycan xarici işlər nazirinin müavini Vaqif Sadıqov Liviyanın Bakıdakı müvəqqəti işlər vəkili Şükri Benhamedaya Prezident İlham Əliyevin təbriklərini çatdırdı.
Sonra Şükri Benhameda qəbulda çıxış edərək, Böyük İnqilabın 35-ci ildönümü münasibətilə Liviyanın dövlət başçısına və xalqına ünvanladığı təbrikə görə Azərbaycan Prezidenti İlham Əliyevə minnətdarlığını bildirdi. Müvəqqəti işlər vəkili ölkələrimiz arasında mövcud olan dostluq əlaqələrinin tarixindən, miünasibətlərimizin genişlənməsi və möhkəmlənməsi istiqamətində atılan addımlardan danışdı. Diplomat vurğuladı ki, Liviya dost Azərbaycanla münasibətlərin inkişafında maraqlıdır. Liviya Azərbaycanın üzləşdiyi ən ağrılı problemin - Dağlıq Qarabağ münaqişəsinin həllinin uzanmasından da narahatdır. Liviya münaqişənin tezliklə və Azərbaycanın ərazi bütövlüyü çərçivəsində, sülh yolu ilə həllinə tərəfdardır.
Müvəqqəti işlər vəkili ölkələrimiz arasında əlaqələrin bundan sonra da inkişaf edəcəyinə ümidvar olduğu bildirdi.
Sonra incəsənət ustalarının ifasında Azərbaycan mahnıları səsləndi.
Rəsmi qəbulda nazirlər, Milli Məclisin deputatları, xarici ölkələrin Bakıdakı səfirləri, paytaxt ictimaiyyətinin nümayəndələri iştirak edirdilər.
Bölmənin digər xəbərləri
