L.KUÇMA ACARISTANDA UKRAYNALI YARAQLILARIN OLMASI BARƏDƏ DEYİLƏNLƏRİ TƏKZİB EDİR
L.Kuçma Kiyevdə rəsmi səfərdə olan Gürcüstan Prezidenti Mixail Saakaşvili ilə görüşdən sonra keçirilən mətbuat kofransında bəyan etmişdir: “Bu, sadəcə, mümkün deyildir, ona görə ki, ola bilməz”. O vurğulamışdır ki, “guya Acarıstanda ukraynalı hərbçilər “tapmış” Gürcüstanın xüsusi xidmət orqanlarını təhqir etmək istəmir”.
Bu informasiyanı M.Saakaşvili də qəti şəkildə təkzib edərək demişdir: “Ukrayna ərazisindən Gürcüstana qarşı düşmənçilik ola bilməz. Biz Ukraynadan həmişə ancaq yardım almışıq”.
Xatırladaq ki, martın 24-də Tbilisidə mətbuat konfransında M.Saakaşvili bildirmişdi ki, Acarıstan rəhbərliyi muxtar respublikada vəziyyətin gərginləşəcəyi təqdirdə Rusiyada, Ukraynada və Gürcüstanın Pankisi dərəsində muzdlular yığmaq niyyətindədir. Martın 27-də sabiq prezident Eduard Şevardnadze indiki dövlət başçısının bu sözlərinə görə Ukrayna xalqından üzr istəmişdir.
Bölmənin digər xəbərləri
