LONDON UKRAYNADA İQTİSADİ VƏ SOSİAL İSLAHATLARI DƏSTƏKLƏYƏCƏKDİR

26.05.2006 [12:06]
Çap et
A⁺ A^-

AZƏRTAC Ukrinform agentliyinə istinadla xəbər verir ki, Britaniya hökuməti iqtisadi, sosial və siyasi islahatları dəstəkləmək məqsədi ilə Ukrayna hökuməti və bölgələri ilə sıx əməkdaşlığını davam etdirəcəkdir. Bunu Böyük Britaniyanın Ukraynadakı səfiri Robert Brinkli bildirmişdir.

Diplomat demişdir: “Böyük Britaniya ümid bəsləyir ki, Ukrayna artıq bu yaxınlarda Dünya Ticarət Təşkilatına qəbul edilməyə hazır olacaqdır”. Səfir Kiyevin xarici sərmayələr cəlb olunması sahəsində uğurlarını qeyd etmişdir. Brinkli Rayffayzen maliyyə qrupunun “Aval” bankının özəlləşdirməsini, habelə “Krivorojstal” müəssisəsinin satılmasını xatırlatmışdır. Diplomat qeyd etmişdir: “Bu proseslər Ukraynanın potensialından, düzgün və şəffaf iqtisadi siyasət sayəsində nə kimi nailiyyətlər qazanacağından xəbər verir”.

Brinkli qeyd etmişdir ki, son vaxtlar Britaniyanın Ukraynaya ixracı 25 faiz artmış, “Shell” şirkətinin Donetsk qaz yatağının inkişafına 100 milyon dollar sərmayə qoymaq planları açıqlanmışdır.

LONDON UKRAYNADA İQTİSADİ VƏ SOSİAL İSLAHATLARI DƏSTƏKLƏYƏCƏKDİR

MÜƏLLİFLƏ ƏLAQƏ

Bölmənin digər xəbərləri