Londonda iqlim fəalları hava limanını narıncı rəngə boyayıblar
London, 30 iyul, AZƏRTAC
“Just Stop Oil” təşkilatının fəalları Britaniyanın ən böyük hava limanı olan “Heathrow”da aksiya keçiriblər.
AZƏRTAC xəbər verir ki, fəallar hava limanının 5-ci terminalında yerləri və uçuş məlumatlarının olduğu ekranları narıncı spreylə boyayıblar. Hava limanının mətbuat xidmətindən verilən açıqlamada aksiya nəticəsində heç bir uçuşun təxirə salınmadığı və fəalların hava limanından çıxarıldığı bildirilib.
Qeyd edək ki, təşkilatın fəalları iyulun 29-da İngiltərənin ikinci ən işlək hava limanı olan “Gatwick”də də aksiya keçiriblər.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
