MACARISTAN AZƏRBAYCANLA ƏLAQƏLƏRİN İNKİŞAFINA BÖYÜK ƏHƏMİYYƏT VERİR
Görüşdə nazir Elmar Məmmədyarov iki ölkə arasında hüquqi bazanın genişləndirilməsinin vacibliyini önə çəkərək, qarşılıqlı səfərlərin ikitərəfli əlaqələrin inkişafına təkan verdiyini qeyd etmişdir.
Macarıstanlı qonaq ölkəsinin Azərbaycanla əlaqələrinin genişlənməsinə böyük əhəmiyyət verdiyini qeyd edərək, dövlətlərimiz arasında iqtisadi, enerji, qeyri-neft sektoru, kənd təsərrüfatı və digər sahələrdə əlaqələrin gələcək inkişafının vacibliyini bildirmişdir.
Daha sonra ölkəmizin xarici siyasət idarəsinin başçısı Elmar Məmmədyarov müstəqillik əldə etdikdən sonra respublikamızda aparılan islahatlar, Azərbaycanın Avropa institutlarına inteqrasiyası, beynəlxalq təşkilatlar qarşısında götürdüyü öhdəliklər və onların uğurla həyata keçirilməsi barədə qonağa ətraflı məlumat vermişdir. İkitərəfli münasibətlərin perspektivlərinə toxunan nazir iqtisadi əlaqələrin genişləndirilməsi məsələsinin Azərbaycan üçün önəmli olduğunu qeyd etmişdir. Sonra nazir Elmar Məmmədyarov Ermənistan-Azərbaycan, Dağlıq Qarabağ münaqişəsi nəticəsində öz doğma torpaqlarından didərgin düşmüş qaçqın və məcburi köçkünlərin vəziyyəti və münaqişənin nizamlanması istiqamətində aparılan işlər barədə qonağa ətraflı məlumat vermişdir. Erməni zabitinin qətlində şübhəli şəxs qismində saxlanılan Azərbaycan Ordusunun zabiti Ramil Səfərovun istintaqının gedişi ilə maraqlanan nazir, prosesin qərəzsiz aparılacağına əmin olduğunu bildirmişdir.
Görüşdə qarşılıqlı maraq doğuran bir sıra məsələlər də müzakirə edilmişdir.
Bölmənin digər xəbərləri
