Macarıstan Rusiya qazının tədarükünü rekord həddə çatdırıb
Bakı, 16 oktyabr, AZƏRTAC
Macarıstana Rusiya qazının tədarükü bu il yeni rekorda çatıb və bu günədək 6 milyard kubmetri ötüb.
AZƏRTAC xəbər verir ki, bu barədə Macarıstanın xarici işlər naziri Peter Siyarto sosial şəbəkə hesabında bildirib. Onun sözlərinə görə, tədarük olunan yanacağın həcmi sutkada 21 milyon kubmetrdən çoxdur və bu, “Macarıstanın enerji təhlükəsizliyi üçün kritik əhəmiyyətə malikdir”.
Nazir müxtəlif mənbələrdən və marşrutlardan istifadə etməklə enerji idxalının şaxələndirilməsini dəstəklədiyini, lakin "yaxşı işləyən və etibarlı təchizat xətlərinin" bağlanmasına qarşı olduğunu bir daha vurğulayıb.
Avropa İttifaqı Rusiya enerjisindən asılılığı tədricən aradan qaldırmaq strategiyası irəli sürür. İyun ayında Avropa Komissiyası 2027-ci ilin sonunadək Rusiya qazı və neftinin idxalını mərhələli şəkildə dayandırmaq üçün qanunvericilik təklifini qəbul edib. Macarıstan və Slovakiya bu plana tənqidi yanaşaraq sürətli azalmanın onların enerji təhlükəsizliyini və iqtisadi sabitliyini təhdid edə biləcəyi barədə xəbərdarlıq ediblər.
Bölmənin digər xəbərləri
