MACARISTANDA DÜNYA AZƏRBAYCANLILARININ II QURULTAYININ NƏTİCƏLƏRİ İLƏ BAĞLI TƏDBİR KEÇİRİLMİŞDİR

30.03.2006 [23:31]
Çap et
A⁺ A^-

Xarici İşlər Nazirliyinin mətbuat mərkəzindən AZƏRTAC-a bildirmişlər ki, Azərbaycanın Macarıstandakı səfirliyində diasporumuzun nümayəndələrinin və burada təhsil alan azərbaycanlı tələbələrin iştirakı ilə Dünya azərbaycanlılarının II qurultayının nəticələri ilə bağlı tədbir keçirilmişdir.

Tədbirdə xarici ölkələrdə yaşayan soydaşlarımızın təşkilatlanması işinin əsasının ümummilli lider Heydər Əliyev tərəfindən qoyulduğu və bu siyasətin Prezident İlham Əliyevin uğurla davam etdirdiyi vurğulanmışdır.

Dövlətimizin başçısı İlham Əliyevin Dünya azərbaycanlılarının II qurultayındakı çıxışında qaldırdığı məsələlərdən söz açılan tədbirdə xaricdə yaşayan həmvətənlərimizin doğma Vətənlə əlaqələrini möhkəmləndirməyin vacibliyinə toxunulmuşdur. Bundan əlavə, Azərbaycan həqiətlərinin dünya ictimaiyyətinə çatdırılmasında diasporumuzun rolundan danışılmışdır.

Tədbirdə Macarsıtandakı soydaşlarımızı ətrafında birləşdirəcək diaspor təşkilatının yaradılmasının vacibliyi bildirilmişdir.