Mahmud Qurbanov “Neftçi”dən ayrılıb
Bakı, 26 may, AZƏRTAC
“Neftçi-2”nin baş məşqçisi Mahmud Qurbanovla may ayının 31-də başa çatacaq müqavilənin müddətinin uzadılmamasına qərar verilib.
AZƏRTAC xəbər verir ki, bu barədə “Neftçi”nin rəsmi saytı məlumat yayıb.
Klub göstərdiyi xidmətə görə təcrübəli mütəxəssisə təşəkkür edib, gələcək işlərində uğurlar arzulayıb.
2018-ci ildən “Neftçi-2”ni çalışdıran M.Qurbanov 2020/2021-ci il mövsümündə bu komanda ilə Birinci Divizionun qalibi olub.
Bölmənin digər xəbərləri
