MALAYZİYADA HƏR YAŞAYIŞ MƏHƏLLƏSİNDƏ İKİ POLİS OLACAQ
AZƏRTAC “Novosti” agentliyinə istinadla xəbər verir ki, gənclər arasında, xüsusilə ölkənin mərkəzindən uzaqda yerləşən şəhərlərdə, cinayətkarlığın artmasından narahat olan Malayziyanın hökumət orqanları vətəndaşların təhlükəsizliyini daha yaxşı qorumaq üçün misilsiz qərar qəbul etmişlər. Malayziya polisinin baş inspektoru Musa Həssən mətbuat konfransında demişdir ki, indən belə hər yaşayış məhəlləsində azı iki polis yaşayacaqdır. Biz belə tədbirlərə əl atmağa məcburuq, hərçənd, bu layihə xeyli vəsait ayrılmasını tələb edir. Hüquq mühafizə orqanlarının hər bir əməkdaşı ona təhkim edilmiş məhəllədə ailəsi ilə yaşamaq üçün mənzil alacaqdır. Yaşayış məhəlləsində polis formasında daim bir-iki adamın olması ölkənin ayrı-ayrı rayonlarında cinayətkarlığın səviyyəsini mütləq aşağı salacaqdır.
Həssənin sözlərinə görə, regionda analoqu olmayan bu tədbir artıq hökumət tərəfindən bəyənilmişdir.
Bölmənin digər xəbərləri
