Malayziyada torpaq sürüşməsi nəticəsində ölənlərin sayı 30-a çatıb
Bakı, 22 dekabr, AZƏRTAC
Malayziyada turist düşərgəsinin torpaq sürüşməsinə məruz qalması nəticəsində ölənlərin sayı 30 nəfərə çatıb.
AZƏRTAC BERNAMA agentliyinə istinadla xəbər verir ki, xilasedicilər son sutka ərzində daha dörd nəfərin cəsədini aşkarlayıb. Hazırda itkin düşən üç nəfərin axtarışı davam edir.
Faciə dekabrın 16-da gecə saatlarında Kuala-Lumpur şəhərindən 50 kilometr şimalda yerləşən turist düşərgəsində baş verib. Təbii fəlakət nəticəsində təxminən 1,2 hektar ərazi torpaq altında qalıb. Xilasedicilər indiyə qədər 60-a yaxın insanı xilas edə biliblər.
Bölmənin digər xəbərləri
