Maliyyə və iqtisadi cinayətlərdə təqsirli bilinən şəxslərə Gürcüstanı tərk etmək qadağan ediləcək
Tbilisi, 15 oktyabr, AZƏRTAC
Gürcüstan parlamenti ölkənin Cinayət-Prosessual Məcəlləsinə bəzi əlavələr və dəyişikliklər edib. Yeni qanunda maliyyə və iqtisadi cinayətlərdə təqsirli bilinən şəxslərin dəymiş ziyanı tam ödəyənə qədər ölkədən çıxışı qadağan olunur.
AZƏRTAC xəbər verir ki, layihə birinci oxunuşda yekdilliklə dəstəklənib.
Parlamentin Hüquq məsələləri komitəsinin sədri Tornike Çeişvili deyib ki, bu qanun layihəsinin qəbul edilməsində məqsəd səyahət qadağalarını tənzimləyən müddəaları daha da aydınlaşdırmaqdır. Onun sözlərinə görə, qanun ilk növbədə dələduzluq, hədə-qorxu ilə tələb etmə, oğurluq, mənimsəmə, əmlaka ziyan vurma və ya məhv etmə, əmlakın gizlədilməsi, vəzifə səlahiyyətlərindən sui-istifadə, səhlənkarlıq və s. kimi iqtisadi və maliyyə cinayətlərinə aiddir.
Bundan başqa, məhkum Gürcüstan vətəndaşı və ya vətəndaşlığı olmayan şəxs olmalıdır.
“Qanunda çıxış qadağasından azad olmaq üçün 2 əsas şərt nəzərdə tutulub. İlk növbədə məhkumun Gürcüstan qanunvericiliyinə uyğun olaraq zərərçəkmiş şəxsə dəymiş ziyanı ödədiyini təsdiq edən notariat qaydasında təsdiq edilmiş sənədi olmalıdır”, - deyə Tornike Çeişvili bildirib.
Tbilisi
Bölmənin digər xəbərləri
