Malların oğurlanması baş verdiyi gün vergi tutulan əməliyyatın vaxtı sayılır
Bakı, 29 aprel, AZƏRTAC
Vergi Məcəlləsinin 166.2-ci maddəsinə əsasən, malların (işlərin, xidmətlərin) qeyri-kommersiya məqsədləri üçün verildiyi vaxt, malların itməsi, əskik gəlməsi, xarab olması, tam amortizasiya olunmadan uçotdan silinməsi və ya oğurlanması baş verdiyi gün vergi tutulan əməliyyatın vaxtı sayılır.
AZƏRTAC Dövlət Vergi Xidmətinə istinadla xəbər verir ki, bu fikirləri iqtisadçı ekspert İsmayıl Bağırov deyib.
Onun sözlərinə görə, maddənin tətbiqinin əsas məqsədi malların qeyri-kommersiya məqsədləri üçün verildikdə, o cümlədən malların itməsi, əskik gəlməsi, xarab olması, tam amortizasiya olunmadan uçotdan silinməsi və ya oğurlanması baş verdiyi halda vergi tutulan əməliyyatın vaxtını müəyyən etməkdir.
Ekspert qeyd edib ki, Vergi Məcəlləsinin vergi tutulan əməliyyatın vaxtını müəyyən edən 166-cı maddənin müddəalarına əsasən, ƏDV tutulan əməliyyatın vaxtı təqdim olunmuş mallar üçün ödəmənin aparıldığı vaxtdır: “Ödəmə dedikdə, təqdim edilmiş malların və ya xidmətlərin ƏDV-siz dəyərinin ödənilməsi nəzərdə tutulur. Vergi Məcəlləsinin 166.2-ci maddəsinə əsasən isə vergiödəyicisi malları ƏDV-ni ödəməklə əldə edirsə və müvafiq əvəzləşdirmə alırsa, malların qeyri-kommersiya məqsədləri üçün verildiyi vaxt və malların itməsi, əskik gəlməsi, xarab olması, tam amortizasiya olunmadan uçotdan silinməsi və ya oğurlanması baş verdiyi gün ƏDV tutulan əməliyyatın vaxtı sayılır”.
Bölmənin digər xəbərləri
