“Mançester Siti” klubu ingiltərəli futbolçu Kalvin Fillipsin keçidini açıqlayıb
Bakı, 4 iyul, AZƏRTAC
“Mançester Siti” klubu ingiltərəli futbolçu Kalvin Fillipsin keçidini açıqlayıb.
AZƏRTAC xəbər verir ki, İngiltərə millisinin üzvü üçün Mançester təmsilçisi “Lids Yunayted”ə 48,7 milyon avro ödəyib. Futbolçu yeni klubu ilə altıillik müqavilə imzalayıb.
“Lids Yunayted”in yetirməsi olan futbolçu komandanın heyətində 233 oyun keçirib, 13 qol vurub və 14 məhsuldar ötürmə edib. Yarımmüdafiəçi “Lids Yunayted”in heyətində Çempionşipin qalibi olub.
İngiltərə millisində 22 oyun keçirən futbolçu “Avro-2020”nin finalında İtaliya yığmasına qarşı oyunda meydana çıxıb.
Bölmənin digər xəbərləri
