“Mançester Siti” Özbəkistan millisinin futbolçusu üçün danışıqlara başlayıb
Bakı, 5 yanvar , AZƏRTAC
İngiltərənin "Mançester Siti" komandası Özbəkistan millisinin futbolçusu Abdukodir Xusanovun transferi ilə bağlı Fransa "Lans"ı ilə danışıqlara başlayıb.
AZƏRTAC xəbər verir ki, bu barədə tanınmış insayder Fabritsio Romano məlumat yayıb.
Mənbənin sözlərinə görə, Fransa klubu özbək müdafiəçini asan şəkildə İngiltərə nəhənginə buraxmaq istəmir. Hazırda oyunçuya başqa klublardan da maraq var.
A.Xusanov 2023-cü ildən "Lans"da çıxış edir. Futbolçunun klub ilə müqaviləsi 2027-ci ilin yayında başa çatacaq.
O, bu mövsüm 16 oyun keçirib və bir məhsuldar ötürmə ilə yadda qalıb.
Bölmənin digər xəbərləri
