“Mançester Yunayted” - “Vest Ham” oyununda heç-heçə qeydə alınıb
Bakı, 22 iyul, Nicat Məmmədov, AZƏRTAC
İyulun 22-də futbol üzrə İngiltərə çempionatının 37-ci turunun növbəti oyunu keçirilib.
AZƏRTAC xəbər verir ki, “Mançester Yunayted” klubu öz meydanında “Vest Ham Yunayted” komandasını qəbul edib. Mançesterdəki “Old Traford” stadionunda keçirilən qarşılaşmada qalib müəyyənləşməyib - 1:1. Oyunda hesabı “Vest Ham Yunayted” 45-ci dəqiqədə açıb. Penaltidən Mihael Antonio dəqiq zərbə ilə qol vurub. Fasilədən sonra meydan sahibləri hesaba tarazlıq gətirib. Mason Qrenvud fərqlənib. Qalan dəqiqələrdə hər iki komandanın qol vurmaq şansı olsa da hesab dəyişilməyib.
Bu nəticədən sonra “Mançester Yunayted” xal ehtiyatını 63-ə çatdıraraq turnir cədvəlində üçüncü yerə yüksəlib. “Vest Ham Yunayted” isə 38 xalla 15-ci yerdə qərarlaşıb.
Bölmənin digər xəbərləri
