“Mançester Yunayted” üç futbolçusu ilə yollarını ayıra bilər
Bakı, 23 aprel, AZƏRTAC
İngiltərənin “Mançester Yunayted” klubu növbəti mövsümdə UEFA Çempionlar Liqasına vəsiqə qazana bilməsə bəzi futbolçuların müqaviləsini yenidən nəzərdən keçirəcək.
AZƏRTAC xəbər verir ki, Mançester klubu qapıçı David De Xea, yarımmüdafiəçi Pol Poqba və hücumçu Romelu Lukaku ilə olan müqavilələri yenidən nəzərdən keçirəcək. “Paris Sen-Jermen” və “Real Madrid” 28 yaşlı De Xea ilə yaxından maraqlanır. Paris klubu İspaniyalı qapıçıya həftəyə 350 min funt sterlinq ödəməyə hazırdır. Pol Poqba “Real Madrid” və “Yuventus”a, seneqallı hücumçu Romelu Lukaku isə İtaliya klublarından birinə transfer oluna bilər.
“Mançester Yunayted” klubunun UEFA Çempionlar Liqasına vəsiqə qazanması üçün “Çelsi” və “Arsenal” klublarının 3 xal itirməsi vacibdir.
Qeyd edək ki, Mançester təmsilçisi növbəti turda doğma meydanda “Mançester Siti” klubu ilə qarşılaşacaq.
Bölmənin digər xəbərləri
