DÜNYA
Mançesterdə iki avtobusun toqquşması nəticəsində 17 nəfər xəsarət alıb
London, 9 noyabr, AZƏRTAC
İngiltərənin Mançester şəhərində iki ikimərtəbəli avtobusun toqquşması nəticəsində 17 nəfər xəstəxanaya yerləşdirilib.
AZƏRTAC xəbər verir ki, hadisə şəhər mərkəzinin kənarında, Roşdeyl və Livesi küçələrinin kəsişməsində baş verib.
Hadisə yerinə doqquz təcili yardım maşını, bir hava təcili yardımı cəlb edilib. Şimal-qərb təcili tibbi yardım xidməti bildirib ki, yaralılar Mançester ətrafındakı xəstəxanalara çatdırılıb və onların heç birinin vəziyyəti ağır deyil.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
