MART AYINDA VERGİ DAXİLOLMALARI ÜZRƏ PROQNOZ 102,4 FAİZ YERİNƏ YETİRİLMİŞDİR
AZƏRTAC xəbər verir ki, Vergilər Nazirliyi İqtisadi Təhlil və Uçotun Təşkili İdarəsinin ilkin məlumatına əsasən, 2004-cü ilin mart ayında dövlət büdcəsinə 402,5 milyard manat vəsait cəlb edilmişdir. Bu, aylıq proqnozun 102,4 faiz yerinə yetirilməsi deməkdir. Ümumiyyətlə, yanvar-mart ayları ərzində vergi daxilolmaları üzrə proqnoz 103,9 faiz icra edilmiş və dövlət büdcəsinə 1021,1 milyard manat vəsait daxil olmuşdur. Ötən ilin müvafiq dövrü ilə müqayisədə vergilərin dövlət büdcəsinə cəlb olunması 101,6 milyard manat artmışdır.
Bölmənin digər xəbərləri
