Masallıda növbəti əmək yarmarkası keçirilib
Masallı, 29 aprel, İlkin Adıyev, AZƏRTAC
Masallı şəhər Heydər Əliyev Mərkəzində Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Lənkəran-Astara Regional Məşğulluq filialı tərəfindən növbəti əmək yarmarkası keçirilib.
AZƏRTAC-ın bölgə müxbiri xəbər verir ki, tədbirdə iş axtaran şəxslər Lənkəran-Astara iqtisadi rayonunda fəaliyyət göstərən 17 idarə, müəssisə, təşkilat və fərdi sahibkar tərəfindən təqdim edilən 80-ə yaxın vakansiya ilə tanışlıq imkanı əldə ediblər.
Vakansiyalara müraciət edən şəxslərin anket məlumatları qəbul edilərək nəzərdən keçirilib, uyğun namizədlər növbəti mərhələyə dəvət olunub.
Qeyd edək ki, yarmarkada işsiz və iş axtaran şəxslərə agentliyin aktiv məşğulluq istiqamətləri barədə məlumat verilib və müraciət etmək istəyən şəxslərlə ilkin sorğular həyata keçirilib.
Bölmənin digər xəbərləri
