Mateo Kovaçiç “Çelsi” klubuna transfer olunub
Bakı, 9 avqust, AZƏRTAC
İspaniyanın “Real Madrid” klubunun futbolçusu Mateo Kovaçiç İngiltərənin “Çelsi” klubuna transfer olunub.
AZƏRTAC xəbər verir ki, xorvat futbolçu 2018/2019-cu illər mövsümünün sonunadək London klubunda icarə əsasında çıxış edəcək.
“Çelsi” klubunda çıxış etməkdən çox xoşbəxtəm. Bu, inanılmaz bir duyğudur. Burada nəyə qadir olduğumu göstərməyə çalışacağam. Əminəm ki, yeni komanda yoldaşlarım və məşqçi heyəti bu işdə mənə yardımçı olacaq. Bu, mənim üçün yeni bir liqadır. Ümid edirəm ki, mənim üçün yadda qalan bir mövsüm olacaq”, - deyə Mateo Kovaçiç bildirib.
Mateo 2015-ci ildən “Real Madrid” klubunun şərəfin qoruyur.
Bölmənin digər xəbərləri
