Mayın 29-da Bakıda havanın temperaturu iqlim normasından 5° yuxarı olub
Bakı, 30 may, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə mayın 30-u səhərədək əksər rayonlarda hava şəraiti nisbətən sabit və yağmursuz keçsə də, bəzi şərq rayonlarında şimşək çaxıb, qısamüddətli yağış yağıb. Düşən yağıntının miqdarı Qrızda 4, Quba, Xaltan, Şahdağ, Binədə 0.2-1 millimetr təşkil edib.
Departamentdən AZƏRTAC-a bildiriblər ki, mayın 29-da Bakıda havanın temperaturu iqlim normasından 5° yuxarı olub. Belə ki, havanın maksimal temperaturu Bakıda və Abşeron yarımadasında 28-31°, Aran rayonlarında 27-31°, Naxçıvan Muxtar Respublikasında 27-32°, dağlıq rayonlarda 19°-dək isti olub.
Bölmənin digər xəbərləri
