MDB ölkələrinin XİN rəhbərləri Şurasının növbəti iclası Düşənbədə keçiriləcək
Moskva, 14 aprel, AZƏRTAC
MDB ölkələrinin XİN rəhbərləri Şurasının növbəti iclasının mayın 13-də Düşənbədə keçirilməsi nəzərdə tutulur.
AZƏRTAC “RİA Novosti”yə istinadla xəbər verir ki, bunu Rusiya Xarici İşlər Nazirliyinin MDB ölkələri üzrə Birinci Departamentinin direktoru Mixail Yevdokimov açıqlayıb.
Onun sözlərinə görə, nazirlər, o cümlədən Ukraynada vəziyyəti də müzakirə edəcəklər.
M.Yevdokimov deyib: “Ənənəyə görə, MDB Xarici İşlər Nazirləri Şurasının (XINŞ) iclasları ildə iki dəfə keçirilir. İlkin plana görə, ən yaxın görüşün mayın 13-də Düşənbədə, payız görüşünün isə oktyabrın 13-də Nur-Sultanda keçirilməsi nəzərdə tutulur”.
İlkin plana görə, nazirlər Birlik çərçivəsində qarşılıqlı fəaliyyətə aid məsələlər barədə fikir mübadiləsi aparacaq, aktual beynəlxalq və regional mövzuları, o cümlədən Ukraynada vəziyyəti müzakirə edəcəklər.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
