MDB XALQLARININ HƏYATINDA RUS DİLİNİN ROLU
Bişkek şəhərində “MDB xalqlarının həyatında rus dilinin rolu” mövzusunda beynəlxalq konfrans başa çatmışdır. AZƏRTAC-ın müxbiri xəbər verir ki, konfransda Qırğızıstan prezidenti Əsgər Akayev, baş nazir Nikolay Tanayev, tanınmış qırğız yazıçısı Çingiz Aytmatov, həmçinin Rusiya, Ukrayna, Qazaxıstan, Özbəkistan, Belarus, Moldova, Gürcüstan, Azərbaycan, Ermənistan və Polşa alimləri və hüquqşünasları iştirak etmişlər.
Çingiz Aytmatov tədbiri açaraq demişdir ki, MDB məkanında rus dilinin təsir dairəsi get-gedə artacaqdır.
Konfrans iştirakçıları üç gün ərzində MDB ölkələrində dil siyasəti, rus dilinin MDB ölkələrinin təhsil sahəsində rolu, MDB məkanında rus dilinin mövqeyinin möhkəmlənməsində rus ədəbiyyatı və jurnalistikasının əhəmiyyəti, rus dilinin elmi cəhətdən öyrənilməsi, MDB dövlətlərinin tarixi-mədəni həyatında rusdilli əhalinin rolu mövzularında müzakirələrdə iştirak etmişlər.
Bölmənin digər xəbərləri
