MƏCBURİ KÖÇKÜNLƏR ÜÇÜN DAHA BİR MƏKTƏB İSTİFADƏYƏ VERİLMİŞDİR
AZƏRTAC-ın müxbiri xəbər verir ki, Bakının Suraxanı rayonunda müvəqqəti məskunlaşan Qubadlı rayonu Qaralar kənd məktəbinin burada daha bir tədris korpusunun təntənəli açılış mərasimi olmuşdur. İşıqlı, yaxşı təchiz olunmuş sinif otaqlarının qapıları 596 məktəblinin və 45 müəllimin üzünə açılmışdır. Məktəbin ötən il inşa olunmuş birinci korpusu kimi, yeni korpus da Nazirlər Kabineti yanında Qaçqınların Sosial İnkişafı Fondunun vəsaiti hesabına tikilmişdir.
Son iki ildə Qubadlı məktəbliləri üçün 6 bina tikilib istifadəyə verilmişdir, Sumqayıtda məskunlaşan məcburi köçkünlərin uşaqları üçün isə daha iki orta məktəb binasının tikintisi başa çatmaqdadır.
Bölmənin digər xəbərləri
