Mədəniyyət müəssisələrində 15 İyun - Milli Qurtuluş Günü geniş qeyd ediləcəkdir
Bakı, 8 iyun (AZƏRTAC). Bakı Şəhər Mədəniyyət və Turizm İdarəsinin tabeliyində olan mərkəz və muzeylərdə 15 İyun - Milli Qurtuluş Gününə həsr olunmuş tədbirlər planı hazırlanmışdır.
İdarədən AZƏRTAC-a bildirmişlər ki, plana uyğun olaraq iyunun 14-dən mədəniyyət evi və klublarda, kitabxanalarda mərkəz və muzeylərdə “Məşəl kimi yanan ürək”, “Ey azad, firavan Vətənim mənim”, “Tarixin azərbaycanlı dahisi”, “Azərbaycanın xilaskarı”, “Heydər Əliyevin qayıdışı”, “Müasir Azərbaycanın banisi” və digər başlıqlı konsert proqramları, “dəyirmi masa”lar, sərgilər keçiriləcəkdir.
Bölmənin digər xəbərləri
