Mədəniyyət və Turizm Nazirliyi tərəfindən bir sıra şirkətlərə verilmiş lisenziyaların fəaliyyəti dayandırılmışdır
Bakı, 6 yanvar (AZƏRTAC). Mədəniyyət və Turizm Nazirliyi Azərbaycan Respublikası Prezidentinin 2002-ci il 2 sentyabr tarixli Fərmanı ilə təsdiq olunmuş “Azərbaycan Respublikasında bəzi fəaliyyət növlərinə xüsusi razılıq (lisenziya) verilməsi haqqında Qaydalar”ı və digər normativ-hüquqi aktları əsas götürərək 22 şirkətə turizm fəaliyyəti ilə məşğul olmaq üçün verilmiş lisenziyaların fəaliyyətini dayandırmışdır.
Nazirlikdən AZƏRTAC-a bildirmişlər ki, fəaliyyəti dayandırılan turizm şirkətləri arasında “Azərilər-A” “Türbət”, “AB Travel”, “Ərəfat”, “Universe Travel”, “American Tours”, “Mikado”, “EM-AY Səyahət”, “Bon Voyaj”, “Nasano Qrup”, “Metropol Travel”, “Qala Travel”, “Şəlalə AA Travel” “İslam-S Turizm”, “CAM QRUP”, “Royal Travels LTD”, “ALMA TURİZM”, “Çinar Turizm”, MMC-lər, “Asan-Tur” firması və digərləri vardır.
Bölmənin digər xəbərləri
