Media: Maduro və həyat yoldaşı ABŞ qüvvələri tərəfindən ələ keçirilərkən xəsarət alıblar
Bakı, 7 yanvar, AZƏRTAC
Venesuela Prezidenti Nikolas Maduro və həyat yoldaşı Siliya Floresin Karakasdakı iqamətgahlarında ələ keçirilən zaman yüngül xəsarətlər alıblar.
AZƏRTAC xəbər verir ki, bu barədə “NBC News” mənbələrə istinadla məlumat yayıb.
Məlumata görə, ABŞ-ın Delta Qüvvələrinin hərbçiləri Maduronun evinə daxil olmaq üçün fləşbenq qumbaralarından istifadə ediblər. Nəticədə Venesuela lideri və həyat yoldaşı təhlükəsizlik otağının divarına və ya qapısına dəyərək xəsarət alıblar.
Bildirilib ki, Maduro və Flores Nyu-York ştatının şimalında yerləşən ABŞ Milli Qvardiyasının bazasına aparılan təyyarədə tibbi müayinədən keçiblər. Qeyd olunur ki, saxlanıldıqdan sonra yayımlanan ilk fotoda Maduro üzündə qançırlar görünüb.
Bölmənin digər xəbərləri
