MƏHKƏMƏ SİSTEMİ TƏKMİLLƏŞDİRİLİR
AZƏRTAC xəbər verir ki, Azərbaycanda məhkəmələrin fəaliyyətinin səmərəsini artırmaq, hakimlərin müstəqilliyini möhkəmləndirmək məqsədi ilə onların təyinatı qaydasının təkmilləşdirilməsi üzrə tətbiq edilmiş fəaliyyət planı uğurla icra olunur. Aparılan islahatlar nəticəsində Avropa Şurası ekspertlərinin rəy və təkliflərinə müvafiq olaraq, Məhkəmə-Hüquq Şurasının tərkibinə və funksiyalarına yenidən baxılmış, hakimlərin daha uzun müddətə təyin olunması, hakimliyə namizədlərin seçkisini həyata keçirən Seçki Komitəsi təşkil olunmuşdur. Göstərilənlərlə bağlı nəzərdə tutulan zəruri qanunvericilik aktlarının qəbul olunması prosesi davam edir.
