“MEHRİBAN QARDAŞTƏK ÜLFƏT EYLƏYƏK” KİTABI NƏŞR OLUNMUŞDUR

08.06.2004 [12:11]
Çap et
A⁺ A^-

Azərbaycan Milli Elmlər Akademiyasının Məhəmməd Füzuli adına Əlyazmalar İnstitutundan AZƏRTAC-ın müxbirinə bildirmişlər ki, institut XIX əsrin ikinci yarısında və XX əsrin əvvəllərində Azərbaycan ədəbiyyatının tanınmış simalarından biri Mirzə Həsib Qüdsinin “Mehriban qardaştək ülfət eyləyək” kitabını nəşr etdirmişdir.

Vaxtilə mərhum ədibimiz Əlabbas Müznibin tərtib etdiyi bu kitab şairin şəxsiyyəti, dünyagörüşü, ictimai baxışı haqqında oxucuda aydın təsəvvür yaradır.

Kitabı nəşrə hazırlayanlar və “Ön söz”ün müəllifləri Sona Xəyal və Mustafa Mailoğludur. Redaktoru Məmməd Adilovdur.

80 yaşında Bakıda vəfat edən və şerləri dövrünün bir sıra mətbu orqanlarında çap edilmiş şairin “Divan”ı Bakıda və Təbrizdə nəşr olunmuşdur.