MEMARLAR İTTİFAQINDA XATİRƏ GECƏSİ
İttifaqın birinci vitse-prezidenti Hafiz Əmirxanov tədbiri açaraq, istedadlı memarın həyat və yaradıcılığından danışdı. O dedi ki, İ.Əliyev Azərbaycanda şəhərsalma sahəsində ilk memarlıq namizədi, Azərbaycan MEA Memarlıq və İncəsənət İnstitutunda şəhərsalma şöbəsi yaradılmasının təşəbbüsçüsü, 100-dən çox elmi və layihə işinin müəllifidir. H.Əmirxanov onun sənətinə vurğunluğunu, yüksək insani keyfiyyətlərini nəzərə çarpdırdı. Mərhumun həmkarları, alimlər Xəzər sahilində ümumittifaq əhəmiyyətli kurort-istirahət kompleksi layihəsinin ərsəyə gəlməsində onun böyük rolunu vurğuladılar. Onun rəhbərliyi ilə hazırlanmış bu layihə o zaman müsabiqə-baxışda ən yaxşı iş hesab edilmişdi. Əməkdar memar İ.Əliyev ölkənin müxtəlif bölgələrindəki abidələrin bərpası sahəsində də çox iş görmüşdür.
Gecənin iştirakçıları belə bir ümumi fikir söylədilər ki, müasir şəhərsalmanın bu cür incə zövqə, vahid kompozisiya hissinə malik memarlara ehtiyacı vardır.
Bölmənin digər xəbərləri
