“Mənim Qərbi Azərbaycanım - Xatirələr” kitabında yer alan faktlar gənclərimiz üçün önəmlidir
Bakı, 1 oktyabr, AZƏRTAC
Bizim yüz minlərlə soydaşlarımız doğma yurdlarından qovulub. Bu, məqsədyönlü şəkildə aparılan siyasət idi. Yüz minlərlə soydaşımız qətlə yetirilib. Ona görə də biz tariximizi bilməliyik. Keçmişini bilməyən xalqın gələcəyi yoxdur. Heç kim bilmir ki, gələcəkdə nə ola bilər. Dünyada geosiyasi vəziyyət tez-tez dəyişir. Dövlətimizin güclənməsinə hər birimiz töhfə verməliyik.
AZƏRTAC xəbər verir ki, bunu elm və təhsil nazirinin müavini Firudin Qurbanov “Mənim Qərbi Azərbaycanım - Xatirələr” kitabının təqdimat mərasimində çıxış edərkən deyib.
Nazir müavini qeyd edib ki, kitabdakı xatirələrin müəllifləri təhsil sistemində fəaliyyət göstərən Qərbi Azərbaycandan olan müəllimlərdir: “Bu kitabda yer alan faktlar gənclərimiz üçün önəmlidir. Çünki onlar tariximizi bilməlidir. Dədə-babalarımızın, əcdadlarımızın başına nə iş gətirildiyindən gənclərimiz xəbərdar olmalıdır. Əminəm ki , biz bir gün Qərbi Azərbaycan da qayıdacağıq”.
Bölmənin digər xəbərləri
