MƏNTƏQƏLƏR SEÇİCİLƏRİ QƏBUL ETMƏYƏ HAZIRDIR
Şuşa, Füzuli, Xocavənd və Xocalı rayonlarının seçicilərini əhatə edən 124 saylı seçki dairəsi dairə seçki komissiyasının sədri Vahid Abbasov AZƏRTAC-a bildirmişdir ki, sentyabrın 17-də namizədlərin təşviqat kampaniyasına start verilmişdir. 70 seçki məntəqəmizin hamısında onlar üçün bərabər şərait yaradılmışdır.
Seçicilərimiz respublikanın 60-a yaxın rayonunda məskunlaşmışlar. Bu rayonların hamısında seçki məntəqələrimiz vardır. Seçkilərin demokratik və şəffaf keçirilməsi üçün seçki məntəqələrində hər cür şərait yaradılmışdır. Bir sözlə, məntəqələrimiz seçiciləri qəbul etməyə hazırdır. Səsvermədə heç bir problem olmayacaqdır. Bütün hazırlıq işlərini MSK-nın müəyyənləşdirdiyi müvafiq təqvim planına uyğun aparmışıq. Məntəqələrdə asılmış seçici siyahılarındakı məlumatların dəqiqliyi, siyahıların dürüstlüyü xüsusi diqqət mərkəzindədir. Məntəqə seçki komissiyaları təlimatlarla, müvafiq “Yaddaş”larla, lazımi texniki avadanlıqla təmin olunmuşlar. Bu işdə MSK və dairəmizin əhatə etdiyi rayonların icra hakimiyyətləri səylərini əsirgəmirlər. Seçicilərimizin məskunlaşdığı rayonların əlaqədar orqanlarından da çox razıyıq. Mühüm siyasi kampaniyanın ədalətli, demokratiya şəraitində, şəffaf keçirilməsi üçün əlimizdən gələni əsirgəməyəcəyik.
Bölmənin digər xəbərləri
