MƏQSƏD BEYNƏLXALQ TƏŞKİLATLARIN VƏ MALİYYƏ QURUMLARININ AZƏRBAYCANA İNAMINI ARTIRMAQDIR
Proqramın direktoru Vüqar Mehdiyev AZƏRTAC-a bildirmişdir ki, yerli fermerlərlə tez-tez görüşür, məsləhətləşmələr aparır, bir çox mühüm məsələləri onlara izah edirik. Məqsədimiz budur ki, kredit alanlar, bu arzuda olanlar ayrılmış vəsaitdən səmərəli, məqsədəuyğun istifadə etməyi öyrənsinlər. Bu gün daxili və xarici bazarın hansı məhsullara ehtiyacı olduğunu bilsinlər. Kənd təsərrüfatı məhsulları istehsalının optimal yollarını, üsullarını öyrənsinlər.
Məlumdur ki, Kənd Təsərrüfatının İnkişafı üzrə Beynəlxalq Fond (İFAD) Azərbaycanda “Dağ və yüksək dağlıq ərazilərin inkişaf etdirilməsi proqramı”nın həyata keçirilməsi üçün vəsait ayırmışdır. Görüşlər zamanı biz fermerlərə bu vəsaitdən düzgün istifadə etməyin, kreditləri vaxtında qaytarmaqla beynəlxalq təşkilatların və maliyyə qurumlarının ölkəmizə inamını daha da artırmağın əhəmiyyətini izah edir, bunun real yollarını göstəririk. Həyata keçirdiyimiz layihələr fermerlərin gəlirlərinin artırılmasına və yoxsulluğun aradan qaldırılmasına xidmət edir.
Bölmənin digər xəbərləri
