Mərakeşin “İslah” qəzeti Dağlıq Qarabağ münaqişəsi barədə yazır
Azərbaycanın Mərakeşdəki səfirliyindən AZƏRTAC-a bildiriblər ki, məqalədə Dağlıq Qarabağ münaqişəsi barədə məlumat verilir. Bildirilir ki, dünya birliyi Ermənistanın işğalçılıq siyasətini dəfələrlə pisləməsinə, beynəlxalq təşkilatlar tərəfindən bununla bağlı bir sıra qətnamələr və digər sənədlərin qəbul edilməsinə baxmayaraq, ermənilərin qatı millətçi və işğalçılıq siyasəti bu günə qədər davam edir. Ermənistanın təcavüzkar siyasəti nəticəsində Azərbaycan ərazisinin 20 faizi işğal edilib, bir milyondan artıq azərbaycanlı qaçqın və məcburi köçkün vəziyyətinə düşüb.
Məqalədə Mərakeş-Azərbaycan əlaqələrindən də bəhs edilir. Müəllif hər iki ölkənin ərazi bütövlüyü problemi ilə üzləşdiyini, Mərakeşin Dağlıq Qarabağ münaqişəsində Azərbaycanın mövqeyini, Azərbaycanın isə Qərbi Səhra məsələsində Mərakeşin mövqeyini dəstəklədiyini qeyd edir. O, hər iki ölkənin beynəlxalq təşkilatlarda bir-birinə qarşılıqlı dəstək nümayiş etdirdiyini vurğulayır.
“İslah” qəzetinin eyni buraxılışında, həmçinin Azərbaycan Xarici İşlər Nazirliyinin Azərbaycan-Ermənistan sərhədində erməni qoşunları tərəfindən həyata keçirilən təxribat xarakterli əməllər və atəşkəs rejiminin pozulmasına yönəlmiş təcavüzkar hərəkətlərlə bağlı bəyanatı da dərc olunub.
Bölmənin digər xəbərləri
