MƏRKƏZİ ASİYA ÖLKƏLƏRİNİN BEYNƏLXALQ TEATR FESTİVALI BAŞA ÇATDI
Teatr bayramı M.Auezov adına Qazax Dövlət Akademik Dram Teatrında və Q.Musrepov adına Uşaq və Gənclər Teartında keçirilmişdir. Bu bayramda Azərbaycan, Qazaxıstan, Özbəkistan, Türkmənistan, Qırğızıstan, Tacikistan və Rusiyanın Tatarıstan Respublikasından gəlmiş teatr kollektivləri iştirak etmişlər. Azərbaycan Dövlət “Yuğ” Teatrı festivalda Rüstəm İbrahimbəyovun “Səs” tamaşasını göstərmiş, əsər maraqla qarşılanmışdır.
Qazaxıstanın xalq artisti Asanali Asimov demişdir ki, festival qarşısına qoyduğu məqsədə nail oldu. Biz bir-birimizin yaradıcılığı ilə çox yaxından tanış olduq, təcrübə mübadiləsi apardıq, birgə layihələr üzərində işləmək haqqında razılığa gəldik. Onu da deyim ki, mən Rüstəm İbrahimbəyovun əsəri əsasında hazırlanmış tamaşaya böyük həvəslə baxdım və Azərbaycan aktyorlarının məharətinə valeh oldum. Arzu edirəm ki, belə görüşlər tez-tez keçirilsin.
Bölmənin digər xəbərləri
