Məzari-Şərifdəki rus diplomatları Özbəkistana köçürülüb

14.07.2021 [11:02]
Çap et
A⁺ A^-

Daşkənd, 14 iyul, AZƏRTAC

Əfqanıstanda “Taliban” hərəkatı silahlılarının Özbəkistanla dövlət sərhədinə yaxınlaşması vəziyyəti daha da gərginləşdirib. Bununla əlaqədar Rusiyanın Əfqanıstanın Məzari-Şərif şəhərindəki Baş Konsulluğunun əməkdaşları təhlükəsizliyin təmin olunması məqsədilə Özbəkistana köçürülüb.

AZƏRTAC xəbər verir ki, bu barədə Özbəkistan Xarici İşlər Nazirliyinin mətbuat katibi Yusuf Kabulcanov məlumat verib. Diplomatlar son vaxtlar Xayraton şəhərində fəaliyyət göstərirdilər.

Bildirilir ki, son vaxtlar taliblərin hücumlarına davam gətirməyən təxminən 100 əfqan hərbçisi Özbəkistanda müvəqqəti sığınacaq tapıb.

Qulu Kəngərli

AZƏRTAC-ın xüsusi müxbiri

Daşkənd