“MİLLƏTLƏR KUBOKU” YARIŞLARININ FİNALINDA RUSİYA VƏ İSRAİL YIĞMALARI QARŞILAŞACAQLAR
Dörddəbir finala çıxan 8 komanda arasından 4 ən güclü yığma mübarizəni yarımfinalda davam etdirmişdir.
Bu mərhələdə İsrail komandası Azərbaycan eruditlərini, Rusiya komandası isə Almaniya yığmasını məğlub edərək finala çıxmışlar.
Günün birinci yarısında isə bütün iştirakçı komandalar “Breyn-rinq” və “Erudit–kvartet” üzrə yarışlarda gücünü sınamışlar.
“Breyn-rinq” üzrə yarışlarda Rusiya yığması birinci yer tutmuşdur. Bu qələbə Rusiya komandasına sentyabrın 3-də hazırkı dünya çempionu Azərbaycan komandası ilə birincilik uğrunda superfinalda yarışmaq hüququ vermişdir.
“Erudit-kvartet” yarışlarında isə ilk üç yeri İsrail, Rusiya və Azərbaycan komandaları tutmuşdur.
Beləliklə, sentyabrın 3-də “Kim? Harada? Nə vaxt?” intellektual oyunu üzrə ikinci “Millətlər Kuboku” yarışlarının finalında Rusiya və İsrail komandaları qarşılaşacaqlar. Azərbaycan və Almaniya komandaları isə yarışı üçüncü yerdə başa vurmuşlar.
Bölmənin digər xəbərləri
