“Milli hüzn və əzm gününün tarixi dərsləri” mövzusunda elmi sessiya
Bakı, 15 yanvar, AZƏRTAC
Yanvarın 16-da Azərbaycan Milli Elmlər Akademiyasının (AMEA) Nizami Gəncəvi adına Milli Azərbaycan Ədəbiyyatı Muzeyində “Milli hüzn və əzm gününün tarixi dərsləri” mövzusunda elmi sessiya keçiriləcək.
Muzeydən AZƏRTAC-a bildiriblər ki, elmi sessiya Azərbaycan Respublikasının Prezidenti Administrasiyası rəhbərinin müvafiq sərəncamı ilə təsdiq olunmuş “20 Yanvar faciəsinin iyirmi beşinci ildönümünün keçirilməsi ilə bağlı tədbirlər planı”na əsasən təşkil ediləcək.
Tədbirdə muzeyin direktoru, Milli Məclisin deputatı, akademik Rafael Hüseynov, filologiya üzrə elmlər doktorları Xatirə Bəşirli, Şəfəq Əlibəyli və digərləri məruzələrlə çıxış edəcəklər.
Bölmənin digər xəbərləri
