Milli İncəsənət Muzeyində Konstitusiya Gününə həsr edilən tədbir keçirilib
Bakı, 10 noyabr, AZƏRTAC
Noyabrın 10-da Azərbaycan Milli İncəsənət Muzeyində 12 noyabr - Konstitusiya Günü münasibətilə tədbir keçirilib.
Muzeydən AZƏRTAC-a bildirilib ki, tədbirdə H.Mahmudbəyov adına 2 nömrəli texniki humanitar liseyin şagirdləri iştirak ediblər. Şagirdlər arasında Konstitusiya Gününə dair viktorina təşkil olunub. Qaliblərə hədiyyələr təqdim edilib. Həmçinin şagirdlər Vətənə mövzusunda şeirlər və mahnılar söyləyiblər.
Tədbirdə Konstitusiya Günü ilə bağlı ustad dərsi keçilib. Sonda şagirdlər üçün interaktiv ekskursiya təşkil olunub.
Bölmənin digər xəbərləri
